Është duke u mbajtur seancë plenare e Kuvendit të Republikës së Kosovës, kjo e para e Qeverisë së re të drejtuar nga Avdullah Hoti.
Deputeti i VV-së, Fitim Uka, ka shkruar në një postim të bërë në Facebook, ka thënë se është e pakuptimtë që sot ulej në karrigen e Kuvendit, derisa jashtë këtij institucioni është personi më i votuar dhe udhëheqësi i Lëvizjes Vetëvendosje, Albin Kurti.
Ky është postimi i tij:
Kam ardhur sot në Kuvend dhe jam ulur në karrigen time si deputet i Lëvizjes Vetëvendosje.
Por, më duket krejt e pakuptimtë, që sot jam në këtë karrige që të përfaqësoj Lëvizjen Vetëvendosje dhe jashtë këtij institucioni ka mbetur personi më i votuar ndonjëherë në Kosovë dhe udhëheqësi i Lëvizjes Vetëvendosje, Albin Kurti. Jashtë Kuvendit kanë mbetur edhe figura të tjera të rëndësishme të Lëvizjes.
Prandaj, skenarët jokushtetues që eliminojnë subjektin e parë nga qeverisja dhe tentojnë të eliminojnë figura të rëndësishme nga skena politike, që përfaqësojne vullnetin e popullit, janë thjeshtë paradoks.
Dhe, duhet të marrin FUND!