Emisari i SHBA’së për dialogun Kosovë-Serbi, Richard Grenell, ka reaguar ndaj shkrimit të “The New York Times”, ku thuhej se aktakuza ndaj Presidentit Hashim Thaçi, prishi planet e Presidentit Amerikan Donald Trump për një marrëveshje “të keqe”, shkruan Gazeta Metro.
Përmes një shkrimi në rrjetin social Facebook, Grenell ka thënë se qëllimi i SHBA’së ka qenë që të përqendroheshin në punë dhe ekonomi.
Ai ka thënë se asnjëherë nuk kanë qenë për një fitore të shpejtë dhe se nuk është diskutuar kurrë shkëmbimi i territoreve.
“Shumë gabime në këtë pjesë. Dhe nuk është çudi…reporteri nuk ka folur kurrë me mua. Qasja jonë ka qenë gjithmonë të përqendrohemi në punë dhe ekonomi. -Asnjëherë nuk kemi besuar se kjo do të ishte një fitore e shpejtë (një tregim i vazhdueshëm mediatik që është plotësisht i gabuar dhe pa asnjë fakt) Gjithashtu:-Unë fola direkt me Këshilltarët e Sigurisë Kombëtare gjermane dhe franceze për të koordinuar qasjen tonë të kufizuar (dhe vetëm ekonomike). Shkëmbimi i territoreve nuk janë diskutuar kurrë para meje. -Nuk do të përfshihemi në politikën e Kosovës / Serbisë. Ne koordinohemi me këdo që është përgjegjës”, ka shkruar Grenell, përcjell Gazeta Metro.
Also:
-I spoke directly with German & French National Security Advisors to coordinate our limited (& solely economic) approach.
-land swamps have never been discussed in front of me.
-we don’t get involved in the politics of Kosovo/Serbia. We coordinate w/whoever is in charge. https://t.co/eDPBz3EwVW— Richard Grenell (@RichardGrenell) June 25, 2020
Kujtojmë se Ambasada e Francës në Kosovë sot ka deklaruar se kancelarja gjermane Angela Merkel dhe presidenti francez Emmanuel Macron janë të gatshëm për fillimin e dialogut Kosovë-Serbi.
Madje, ky i fundit pret palë nga të dy vendet për takim në Samitin e Parisit më 7 korrik.
Theksojmë se vizita se takimi i 27 qërshorit në SHBA është anuluar, pas propozim aktakuzës nga zyra e Prokurorit të Specializuar, ndaj Presidentit Hashim Thaçi dhe kryetarit të PDK’së, Kadri Veseli.