Shefi i Grupit Parlamentar të PDK-së, Bedri Hamza ka thënë se në seancën e nesërme të Kuvendit do të votojnë të gjitha marrëveshjet ndërkombëtare financiare.
“PDK është opozitë e qeverisë mirëpo kemi deklaru dhe i qëndrojmë prapa atij qëndrimi se nuk jemi opozitë e shtetit por interesit të qytetarëve.
Kemi diskutuar brenda strukturave, kemi vendosur t’i pëkrahim dhe votojmë të gjitha marrëveshjet ndërkombëtare financiare në seancën e radhës”, tha Hamza në një konferencë për media.
“Ne nesër do t’i përkrahim dhe do japim votën tonë këtyre marrëveshjeve”.
“Edhe pse jemi opozitë kemi vendosur që pa asnjë kushtëzim t’i përkrahim marrëveshjet ndërkombëtare financiare”.Kujtojmë se në seancën e kaluar ishte PDK dhe VV të cilat nuk votuan pro këtyre marrëveshjeve.