Të premten u konfirmua se lideri i LDK-së, Isa Mustafa është infektuar me virusin COVID-19.
Mustafa pati deklaruar se nuk ndjen ndonjë shqetësim përveç plogështisë.
Lidhur me gjendjen e tij shëndetësore, Indeksonline ka kontaktuar zyrtaren për komunikim me publikun nga LDK, Gentiana Azemi.
Azemi deklaroi se gjendja shëndetësore e Isa Mustafës është e mirë dhe i njëjti po vazhdon të jetë në vetizolim.
“Kryetari i LDK-së Isa Mustafa është mirë me shëndet, për momentin është në vetizolim dhe është duke respektuar rregullat nga organet si ministria e Shëndetësisë dhe IKShPK”, tha Azemi.
Mustafa në publikimin e tij për COVID-19 pati apeluar për kujdes maksimal nga të gjithë qytetarët.