Në bazë të të dhënave të publikuara nga Qendra Evropiane për Parandalimin dhe Kontrollimin e Epidemive, Kosova qëndron e para në tabelë me një mesatare prej 124 rasteve të reja në 100 mijë banorë.
Kjo statistikë është bërë gjatë 14 ditëve të fundit, ku Kosova pati thuajse situatën më të vështirë me koronavirus.
Në këto të dhëna përfshihen shtetet anëtarë të BE-së dhe ato të Ballkanit.
Pas shtetit të Kosovës, numrin më të madh të rasteve e ka Mali i Zi, pastaj Luksenburgu, Maqedonia e Veriut e të tjera, transmeton Indeksonline.
Sot në Kosovë u konfirmuan 119 raste të reja me COVID-19, ku në bazë të të dhënave numri i viktimave ka shkuar në 112 e numri i përgjithshëm ka arritur në 5 mijë e 237 raste
