Presidenti i Republikës së Kosovës, Hashim Thaçi, pas katër ditësh ka përfunduar intervistimin nga ana e prokurororëve të Dhomave të Specializuara në Hagë. Nga Haga, presidenti iu është drejtuar qytetarëve, duke theksuar se nuk ka bërë asnjë lloj krimi.
“Kisha mundesinë të jap sqarimin për të gjithë aktivitetin tim gjatë luftës dhe përpjekjet e mia për paqe stabilitet dhe progres. Gjatë këtyre katër ditëve jam munduar të jap informacione për rolin tim, përgjegjësitë e mia”, tha Thaçi, transmeton Gazeta Sinjali.
“Gjatë tërë kësaj periudhe kam qenë I shoqëruar nga avokati im. Dëshmia ime ka zgjatur shumë, konsideroj se kemi pasur seance produktive”.
“Tani i mbetet prokurorit dhe gjykatësit të vlerësojnë në paanshmëri dhe në mendje të hapur dëshminë time. Nëse e bëjneë një gjë të tillë në mënyrë profesionale dhe të papanshme une nuk kam bërë asnjë lloj krimi apo shkelje të pretenduar”, tha Thaçi ndër të tjera.