Stafi i Klinikës Obstetrike Gjinekologjike të QKUK-së ka ndezur qirinj në nder të doktor Burim Krasniqit që mbrëmë humbi betejën me COVID-19.
Sonte gjithandej Kosovës janë ndezur qirinj për të nderuar profesionistët shëndetësorë që humbën jetën si pasojë e infektimit me COVID-19.
Odat e profesionistëve shëndetësorë kërkuan që të ndizen qirinj për ata që e humbën betejën me koronavirusin, ndërsa të fiken dritat në çdo shtëpi për një minutë në përkrahje të të gjithë mantelbardhëve që janë në vijën e parë të frontit në luftën me pandeminë.
Gjinekologu Burim Krasniqi është mjeku i shtatë në Kosovë që ka ndërruar jetë pas infektimit me COVID-19.
