Deputeti i Lëvizjes Vetëvendosje, Mefail Majbinovci, e ka quajtur Avdullah Hotin kryeministër të dobët.
“Prej ardhjes së këtij kryeministri, ilegal, ilegjitim, vendit i ka sjell dëme për 100 ditë dhe asgjë të mirë. Ka filluar copëtimin e Kosovës me vendosjen e nënshkrimit në marrëveshje ndërkombëtare. Ndryshim për këtë Qeveri konsiderohet vetëm rrëzimi i Qeverisë Kurti nga Gjykata Kushtetuese e instrumentalizuar nga Hashim Thaçi”, u shpreh ai.
Ai ka thënë se Hoti ka ndaluar procesin e anëtarësimin në organizata ndërkombëtare.
“Ky kryeministër i dobët ka ndaluar procesin e anëtarësimin në organizata ndërkombëtare. Në këtë 100 ditësh i dha Serbisë mundësi të ketë qasje në Ujman, e futi Serbinë në çështje energjetike, e çka nuk e futi Serbinë brenda Kosovës”.
Bajqinovci po ashtu ka thënë se në ministrat e kësaj Qeverie kanë për këshilltarë trafikantë.
Ai ka ironizuar me aksionin e zhvilluar në Karaçevë ditë më parë, duke numëruar ato që janë konfiskuar.
“Janë konfiskuar 16 dhi të kuqe, lopë holandeze, 6000 euro para. Operacioni ka kushtuar mbi 30 mijë euro. Edhe do shota dhe dy pushkë të gjata”.
Në fund ai i ka thënë Hoti të japë dorëheqje, duke theksuar se “Askush nuk të pyet për asgjë”, ka thënë ai.