Djali i politikanit të serb të Kosovës, Nenad Rashiqit, është rrahur sot gjatë ditës.
Nikolla Rashiq, djali i Nenad Rashiqit, është rrahur nga disa persona në fshatin Llapnasellë të Graçanicës derisa po dilte nga shkolla.
Këtë e ka konfirmuar shkurt për Reporteri.net Nenad Rashiq.
“Po është rrahur, gjendja shëndetësore e djalit është e mirë”, ka thënë shkurt, Rashiq.
Gazeta Online “Reporteri.net”, ka kontaktuar edhe me Policinë e Kosovës për të konfirmuar këtë rast, por deri në publikimin e këtij shkrimi nuk kanë kthyer përgjigje.
Kujtojmë se ish-deputeti dhe ish-ministri nga komuniteti serb, Nenad Rashiq, është kundërshtar i fortë i Listës Serbe.
Rashiq para zgjedhjeve të 14 shkurtit ngriti alarmin se Lista Serbe ka në plan të marrë më shumë se 10 deputetë, duke “kontrabanduar” emra në partitë apo iniciativat e komuniteteve të tjera.