Lëvizja Vetëvendosje për herë të parë do të merr pjesë në zgjedhjet e 25 prillit në Shqipëri duke sfiduar Edi Ramën dhe partitë tjera.
Partia fituese e zgjedhjeve në Kosovë synon që të fitojë ulëse edhe në Parlamentin e Shqipërisë.
- Advertisement -
Vetëvendosje ka vendosur që të garojë me 3 kandidatë, kjo gjë është konfirmuar edhe Selia Qendrore e VV-së në Kosovë. Zyrtari për media i kësaj partie, Arlind Manxhuka, ka konfirmuar për Gazetën Express garën për zgjedhje.
Bëhet fjalë për Boiken Abazin, Iliaz Shehun dhe Kreshnin Merxhanin.
“Po, këta janë. Boiken Abazi tashmë i ka mbledhur nënshkrimet. Ndërsa, për Shehun dhe Merxhanin ende janë në proces”, është shprehur shkurt ai.
- Advertisement -
Ndërkohë, mediat në Tiranë raportojnë se Partia Demokratike dhe LSI-ja kanë parë si mënyrë të maksimalizimit të mirë të votës së qytetarëve daljen me dy lista në këto zgjedhje.