Gazetari amerikan i ‘Wall Street Jounal’, Laurence Norman, i ka replikuar ish-diplomati gjerman, Wolfgang Ischinger, duke i thënë se shqetësimi i Richard Grenell është i drejtë, për atë që lideri i Lëvizjes Vetëvendosje, Albin Kurti, ka thënë rreth bashkimit me Shqipërinë.
Richard Grenell me anë të një postimi në Twitter, tha se komuniteti ndërkombëtar nuk e ka bërë gjithë atë investim në Kosovë që të dalë dikush e ta shpërbëjë më pas atë, duke iu referuar Albin Kurtit.
Ish-diplomati gjerman, Wolfgang Ischinger, përmes një reagimi në Twitter ndaj Grenell’it, ka thënë se mandati i tij ka skaduar dhe e ka këshilluar që t’ia lë Kosovën njerëzve të saj.
Por ndaj kësaj polemike ka shkruar edhe gazetari i ‘Wall Street Jounal’, Laurence Norman, i cili ka dhënë të drejtë, Grenell’it sa i përket shqetësimit të ngritur mbi atë që lideri i Vetëvendosjes, Albin Kurti, ka thënë se do të votonte pro bashkimit me Shqipërinë.
“Er, ai ka një argument. Kjo do të hapte një ton problemesh në rajon që e bën idenë e ‘shkembimit të territoreve’ të duken si diçka e vogël. Cila është arsyeja, pse nuk ka qenë kurrë politikë e BE-së ose e SH.B.A.-së për ta mbështetur atë. Duket si një shqetësim legjitim për mua çfarëdo që të mendoni për shënimet e tij”, ka shkruar Laurence Norman, në reagimin e tij ndaj Ischinger.
Ric, honestly: stop trying to interfere. Enough damage has been done. Your mandate has expired. Leave Kosovo to the people of #Kosovo @albinkurti @Enver_Hoxhaj @VjosaOsmaniMP @atifetejahjaga @MiroslavLajcak https://t.co/uTmT4s9sVt
— Wolfgang Ischinger (@ischinger) March 5, 2021
E gjithë kjo filloi, kur Grenell shpërndau një artikull të EuroNews ku kryetari i VV’së thotë se do të votonte pro bashkimit të Kosovës me Shqipërinë.
“Kjo duhet të dënohet nga Joe Biden dhe administrata e tij. Pse Albin Kurti po diskuton për zhbërjen e shtetit të tij”, ka shkruar Grenell.
This must be condemned by @JoeBiden and his Administration.
Why is Albin Kurti talking about imploding his own country?! @StateDeptSpox @jakejsullivan @USAmbKosovo https://t.co/6SHutJ6B3g
— Richard Grenell (@RichardGrenell) March 4, 2021