Ish-kryediplomatja e Kosovës, Meliza Haradinaj-Stublla, ka zbuluar një dokument sekret të strategjisë amerikane për Kosovën, të muajit mars të vitit 1999.
“22 vite pas, dokumenti i deklasifikuar i Departamentit Amerikan të Shtetit ‘Strategjia Diplomatike për Kosovën’ e datës 27 mars 1999, zbardhë 2 linjat diplomatike të vëna në funksion përderisa bombardimet e NATO-s kundër regjimit gjenocidal të Millosheviqit vazhdonin (via Clinton Digital Library):
1) Riangazhimi diplomatik përmes Grupit të Kontaktit; dhe
2) Bashkëpunimi i ngushtë me shtetet e fqinje (veçanërisht Maqedoninë dhe Shqipërinë) për të shtuar presionin mbi Millosheviqin.
Rikujtojmë se Ambasadori Richard Holbrooke ishte asokohe i Dërguari Special i Presidentit Clinton për Ballkanin.”, ka shkruar Haradinaj-Stublla në Facebook.
