Sinjali raportoi pak më parë se shtëpia e një deputeti të Kosovës ka qenë cak i hajnave mbrëmë rreth orës 19:30, në Graçanicë. Gazeta Sinjali mëson se bëhet fjalë për deputetin PDK-së, Mërgim Lushtaku.
Gazeta Sinjali ka kontaktuar deputetin Lushtaku për të marrë më shumë detaje. I njëjti nuk e mohoi për vjedhjen e rëndë që u krye në shtëpinë e tij, por vetëm tha se “Jom pak nxanë, flasum më vonë”.
Burimet e Sinjalit brenda Policisë njoftojnë se persona të panjohur kanë depërtuar në shtëpinë e deputetit dhe janë vjedhur 5 mijë euro, stoli ari, por edhe armatim (me leje).
