Kryeministri i Kosovës, Albin Kurti ka vizituar komunën e Prizrenit, ku së bashku me kryetarin e Komunës, Mytaher Haskuka ka bërë përurimin e çerdhes së parë publike në Prizren.
- Advertisement -
Kurti aty u pyet edhe për tema aktuale në lidhje me vizitën e Lajçak dhe Palmer në Kosovë, por edhe me debatin që është ngritur ditëve të fundit, nëse ai ka qenë pjesë e UÇK-së.
I pyetur nga gazetarët se a ka qenë pjesë e UÇK-së, Kurti ka thënë se nuk është koha për fushatë zgjedhore, dhe se fushatën do ta lë pas pushimeve verore.
“Sa i përket fushatave zgjedhore, ato do t’i bëjmë pas pushimeve verore, tani jemi për të parë punimet infrastrukturore”, u shpreh shkurt Kurti para gazetarëve.