Gazetari Valon Syla ka folur për shkarkimin e Agim Veliut nga pozita e kryetarit të degës së LDK-së në Podujevë.
Syla në Pressing të T7 ka kritikuar kreun e LDK-së, Lumir Abdixhikun për një vendim të tillë.
Ai tha se Abdixhiku më këtë veprim u bë një “Vetëvendosje 2.0”, pasi sipas tij, ai shkarkoi njeriun që më së shumti ia kishte inat Albin Kurti.
“Ai në momentin që u zgjedh të parin njeri që e shkarkoi, e shkarkoi njeriun që ia kishte inat më së shumti Albin Kurti, pra u bë një Vetëvendosje 2.0. Abdishiku i mëshoi pushkë Agim Veliut dhe zani nuk iu dëgjua”, tha Syla.
Tutje, Syla tha se Abdixhiku do duhej të veprone sikurse Ibrahim Rugova e Kadri Veseli të cilët nuk shkarkonin njerëz brenda partisë së tyre.
“Për inati të Albin Kurtit është dashtë LDK-ja me e rujt Agim Veliun. Vec nëse ka pak burrni në LDK është dashtë mos me shkarku. Ibrahim Rugova ka qenë kryetar nuk e ka shkarku askë në LDK. Kadri Veseli nuk ka pasë kumedit cfarë simpatie për Fatmir Limajn, nuk e ka shkarku, bile i ka thënë Fatmir Limajt kthehu në parti. Ne e dishim që nuk e ka përnjëmend, po në njëfarë forme nuk po e shkarkon”, tha Syla.