Aksioni i Policisë së Kosovës në disa lokacione në vend ka pasur në cak krimin dhe kontrbandimin.
Kështu është shprehur Luan Dalipi, Shef i Stafit në Zyrën e Kryeministrit Albin Kurti.
- Advertisement -
Ai ka thënë se në veçanti BE-ja nuk duhet të provojë që aksionin e sotëm ta bëjë problem politik apo etnik, transmeton Klankosova.tv.
“Askush dhe në veçanti zyrtarët e lartë të Bashkimit Evropian, nuk duhet të provojnë që këtë ta bëjnë problem politik apo etnik dhe koordinimi bilateral nuk është relevant në këtë rast, sepse ndalimi i krimit dhe tregtisë ilegale është kompetencë tipike e një vendi sovran”, është shprehur Dalipi.
Ky reagim i tij vjen pasi që Shefi për Politikë të Jashtme i BE-së, Josep Borrell tha se “veprimet e njëanshme të pakoordinuara janë të rrezikshme”.