Policia e Kosovës ka informuar për granatën me të cilën janë sulmuar policët doganorë në pikën kufitare në Jarinjë. Sipas hetimeve të para, Policia e Kosovës dyshon se predha e cila ka goditur kontejnerë i cili shërben për zyrtarët kufitar të policisë, ka ardhur nga një fshat Tusnica i cili gjendet në territorin e Serbisë.
Policia e Kosovës kanë konfirmuar raportimet e KosovaPress.
Policia ka deklaruar se nuk ka informacione për ndonjë të lënduar, derisa hetimet po vazhdojnë.
Ky do të ishte sulm i paprecedent ndaj institucioneve të Kosovës nga territori i Serbisë.
Policia e Kosovës, përmes zyrtarëve kufitarë ka pranuar informacion se në pikë kalimin kufitar Jarinje, sot në orët e pasdites, një predhë e fishekut të armës së zjarrit ka goditë një kontejnerë i cili shërben për zyrtarët kufitar të policisë kufitare dhe doganierëve të RKS.
Bazuar në informacionet e para, predha dyshohet se ka ardhur nga drejtimi i fshatit Tusnica i Serbisë.
Nuk raportohet për ndonjë person të lënduar, përderisa hetimet lidhur me rastin kanë filluar.
Puna dhe qarkullimi në këtë pikë kalim kufitar të përbashkët e cila gjendet në territorin e Serbisë, sipas marrëveshjes për menaxhim të integruar të kufirit po vazhdon pa problem.