Skuadra daneze, Midtjylland të enjten do të ndeshet me skuadrën serbe Crvena Zvezda në kuadër të ndeshjeve të Ligës së Evropës.
Ajo gjatë paralajmërimit të ndeshjes ka shfaqur në faqen e saj zyrtare një hartë ku ka pyetur tifozët se cilit qytet i përket skuadra serbe, Beogradit, Nisit apo Novi Sad?, shkruan Demokracia.com.
Danimarka si një vend që e ka njohur shtetin e Kosovës, ka publikuar hartën e Serbisë pa Kosovën dhe kjo për mediat serbe përbën skandal.
“Skuadra daneze Midtjylland ka publikuar në llogarinë e saj zyrtare në Instagram një hartë të Serbisë pa provincën jugore serbe të Kosovës dhe Metohisë.
Ai i preku në një plagë të dhimbshme – territori i vendit tonë është paraqitur në atë hartë pa provincën jugore serbe të Kosovës dhe Metohisë”, shkruan portali serb Kuriri.
Pa asnjë dyshim kjo edhe njëherë dëshmon se vendi fqinj i ynë është i mbushur me urrejtje dhe asgjë më normale nuk i duket dhe se sulmon të gjithë ata që mendojnë ndryshe.