Më shumë se dy mijë persona kanë protestuar para ndërtesës së Presidencës serbe në Beograd. Protestuesit janë shprehur kundër vendimeve populiste të qeverisë së Aleksandar Vuçiqit, i cili është akuzuar për favorizimin e interesave të kompanive para interesave të qytetarëve të Serbisë.
Protestuesit kanë kërcënuar me bllokim të rrugëve gjatë ditëve të ardhshme nëse shteti miraton ligjin që lejon shfrytëzimin e tokave private që konsiderohen në interes publik. Protestuesit kanë kundërshtuar edhe përqindjen e daljes në votimet për referendum.
Organizuesit e protestës kanë thënë se ligji ia mundëson shtetit të marrë pronën publike në interes të kompanive të huaja. Një kompani ndërkombëtare synon të hapë minierën e litiumit në perëndim të Serbisë, por është akuzuar për lidhje me Qeverinë serbe.
Presidenti populist i Serbisë dhe zyrtarët e qeverisë kanë mohuar se ligji i është përshtatur firmës së huaj për të marrë kontrollin e tokës private. Çështjet e ambientit kanë marrë vëmendje të madhe publike në Serbinë që synon të anëtarësohet në Bashkimin Evropian.
Serbia gjithashtu ka probleme të mëdha me menaxhimin e mbeturinave dhe ndotjen e ajrit shkaku i neglizhencës së qeverisë.