Profesori Fatmir Qollakaj në “Info Magazinë” foli në lidhje me sulmin në Gllogjan të komunës së Deçanit, ku ndërruan jetë tre persona si pasoj e këtij sulmi.
Ai tha se gjatë hetimit preliminar mund të zgjerohet pista e hetimit.
“Gjatë hetimit preliminar, po rezulton se ndoshta mund të zgjerohet pista e hetimit dhe dyshimet për vepër tjetër, jo ajo që është supozuar që do të ndodh mund të jenë të rritura. Mendohet për akt terr0rist. Unë personalisht e kam hedhur poshtë edhe të dhënat nga terreni dhe vlerësimet e hetuesve në fazën e deritanishme të hetimit kanë qenë se nuk bëhet fjalë për terr0rizëm.”, u shpreh ai.
Ai tha se në hetime të tilla nevojitet një pjekuri e madhe profesionale.
“Tani e kam shtuar përqindjen e dyshimit, por do të duhej të intensifikohen hetimet dhe duhet një pjekuri më e madhe profesionale. Megjithatë, jam i bindur se është duke u kryer puna mirë në terren, në kuptimin e profesionalizmit”, tha Qollakaj.
Megjithatë, ai tha se janë elementet mbi të cilat duhet të bazohemi në kualifikim të veprën penale si “Terr0rizëm”.
“Janë elementet mbi të cilat bazohemi në kualifikim të veprën penale “Terr0rizëm”. Prandaj, nuk mjafton vetëm frika që perceptohet si terr0r dhe menjëherë të kualifikohet si vepër terr0riste. Pra, rezultatet e hetimit janë baza, fondi i mjaftushëm për kualifikim apo jo të veprës penale” u shpreh ai.
Profesori Qollakaj tha se ai dyshon se ky mund të jetë edhe një skenar nga Serbia.
“Unë dyshoj tani për një skenar nga Serbia për përsëritjen e vitit 2004 dhe rasti si i tillë do të zbulohet shumë shpejtë dhe unë pres rezultate në këtë drejtim”, shtoi tutje Qollakaj.