Lionel Messi është fitues i çmimit më të madh individual që u ndahet futbollistëve për vitin 2021 – Topi i Artë.
I përfshirë në garë me konkurrentë të shumtë, renditja e njëzet prej të cilëve u publikua më herët, kurse gjatë ceremonisë u tregua edhe lista e top-10, ai arriti ta kryesonte këtë listë.
Kjo është hera e shtatë në karrierën e tij të jashtëzakonshme që superylli argjentinas e fiton këtë çmim dhe tashmë ka dy trofe më shumë se rivali i tij i përbetuar, Cristiano Ronaldo…
Sulmuesi i Bayern Munichut, Robert Lewandowski, ishte konkurrenti më i madh i Messit për trofeun e këtij viti, por polaku përfundoi i dyti.
HERE IS THE WINNER!
SEVEN BALLON D’OR FOR LIONEL MESSI! #ballondor pic.twitter.com/U2SywJmruC
— Ballon d’Or #ballondor (@francefootball) November 29, 2021
Triumfi në Copa America besohet t’ia ketë dhënë shtytjen më të madhe 34-vjeçarit për të vënë një tjetër rekord historik në fitimin e çmimit më të madh individual për futbollistë.
Top-5 e përmbyllin N’Golo Kante (i pesti), Karim Benzema (i katërti) dhe Jorginho (i treti).
