Roland Bartetzko, gjermani i cili ka shërbyer si pjesëtarë i Ushtrisë Çlirimtare të Kosovës ka reaguar ndaj deklaratës së djeshme të Behgjet Pacollit të dhënë për Gazetën Express lidhur me ngjarjet që po ndodhin në Kazakistan.
Sipas Bartetzkos, konstatimi i Pacollit se protestat po organizohen nga një “faktor i jashtëm” është një gënjeshtër e Vladimir Putinit.
“Pacolli po e përsërit gënjeshtrat e Putinit që protestat janë organizuar nga “të huajt”. Çfarë tradhtari”, ka shkruar Bartetzko.
Pacolli i cili njihet për miqësinë dhe afërsinë e tij me ish-presidentin kazak Nursultan Nazarbayev dje ka aluduar që trazirat në shtetin aziatik janë duke u organizuar nga një faktor i jashtëm dhe sipas tij, një gjë e tillë është tejet e dukshme.
“Trazirat janë të organizuara nga faktori i jashtëm, kjo është ma se evidente”, ka potencuar Pacolli.
Dozens of protestors were killed today and Russia deployed troops to Kazachstan. Meanwhile, Pacolli is repeating Putin's lies that the protests were organized by "foreigners". What a traitor!https://t.co/gwMNbDVNSo
— Roland Bartetzko (@Shaban113) January 6, 2022