NATO do t’i dërgojë sisteme ajrore të mbrojtjes S-300 Ukrainës për të forcuar edhe më shumë shtetin që po i bën ballë agresionit rus tash e 20 ditë.
Lajmi është bërë i ditur nga kongresmeni Michael McCaul, republikani më i lartë në Komitetin e Punëve të Jashtme të Dhomës së Përfaqësuesve.
“Sistemet e mbrojtjes ajrore S-300 janë dërguar në Ukrainë, nga SHBA-të e aleatët e NATO-s.”, shkruan Charles Lister në një postim.
NEW — S-300 air defense systems have been sent into #Ukraine, by U.S. or #NATO allies — per @RepMcCaul, the top Republican in the House Foreign Affairs Committee.
(stock image) pic.twitter.com/7LeRyGyD0U
— Charles Lister (@Charles_Lister) March 16, 2022
Presidenti Joe Biden njoftoi të mërkurën se Shtetet e Bashkuara po i dërgojnë armatime të reja Ukrainës mes tyre kundër-ajrorë, anti-tanke e dronë si pjesë e përpjekjeve të Uashingtonit për të ndihmuar këtë vend për t’u mbrojtur nga Rusia.
Komentet e presidentit erdhën pasi ai njoftoi zyrtarisht se administrata e tij po dërgonte 800 milionë dollarë shtesë në armatime në Ukrainë, duke e çuar në 2 miliardë dollarë totalin e ndihmës dërguar Kievit që kur i Biden mori detyrën më shumë se një vit më parë. Rreth 1 miliard dollarë ndihmë janë dërguar vetëm javën e fundit.
“Ne do t’i japim Ukrainës armët për të Iuftuar dhe për të mbrojtur veten gjatë të gjitha ditëve të vështira që po vijnë”, tha Presidenti Biden.
Fjalimi i Presidentit Biden erdhi disa orë pasi Presidenti ukrainas Volodymyr Zelenskyy mbajti një fjalim para anëtarëve të Kongresit amerikan duke kërkuar me shumë ndihmë për vendin e tij të rrënuar nga Iufta.