Një kundërsuIm ukrainas në veri vazhdon të prishë linjat ruse të furnizimit. Ukrainasit kanë marrë një sërë fshatrash në këtë zonë në lindje të Kharkiv.
“Forcat ruse nuk kryen operacione suImuese në drejtimin Kharkiv. Përpjekjet kryesore u përqendruan në parandalimin e avancimit të trupave tona në zonën e vendbanimit Vesele”, tha të premten Shtabi i Përgjithshëm i Ukrainës.
CNN raportoi herët të premten se dy ura në zonë ishin prishur, sipas imazheve satelitore. Duket e mundshme që njësitë ruse shkatërruan urat në një përpjekje për të mbrojtur linjat e tyre të furnizimit nga përparimet e mëtejshme të Ukrainës.
Diku tjetër në rajonin e Kharkiv, rusët duket se po përdorin artileri në mënyrë sporadike, por me efekt vdekjeprurës.
Të enjten, granatimet e qytetit të Derhaçit vranë dy persona, sipas administratës lokale, dhe shkatërruan qendrën humanitare dhe objektet mjekësore.
Derhachi është rreth 10 milje (16 kilometra) në veri të Kharkiv, i cili është qyteti i dytë më i madh i Ukrainës.