Patrullime në veri të vendit forcat e njësisë speciale i kanë tashmë përditshmëri.
Gjatë këtyre lëvizjeve, Policia e Kosovës hasi më 2 gusht të këtij viti në një ambulancë në fshatin Rudare të Zveçanit.
Në të u kapën barna të kontrabanduara nga Serbia.
Ky nuk ishte rasti i vetëm kur një autoambulancë u ndal për kontroll nga zyrtarë të Policisë së Kosovës.
Këto patrullime të NJSO-së, serbët lokal i shfrytëzuan për të krijuar një situatë, në të cilën ata pretendojnë se u sulmuan.
Kështu raporton mediumi “Kosovo online”.
Sipas drejtoreshës së klinikës të cilës i përkiste ambulanca, Tatjane Vllashkoviq, pjesëtarët e Njësisë Speciale pacientët i larguan dhe pa shumë zhurmë e kontrolluan mjetin.
Ky nuk është raportimi i vetëm nga ky medium, ku ngriten pretendime për keqtrajtime ndaj qytetarëve serbë në veri.
Gjithë këto po i demantojnë edhe nga Policia e Kosovës.
Por, për këto ka një përgjigje Policia e Kosovës, e cila sqaron përmes një përgjigje arsyet e ndaljes së autoambulancës.
Këto raportime po ndodhin pak ditë para se të përfundojë afati për ndërrimin e targave në RKS, nga ato serbe.