Bashkim Gashi është i ftuari i radhës nga Gjykata Speciale, mirëpo ai ka refuzuar ftesën që i është bërë.
Kështu thuhet në njoftimin e bërë për shtypin nga Kryesia e OVL – UÇK-së, deri sa këta të fundit kanë thënë se i kanë sugjeruar Gashit që ta pranojë ftesën e ardhshme dhe të mos krijojë precedent për të tjerët.
- Advertisement -
“Organizata e Veteranëve të Luftës së Ushtrisë Çlirimtare të Kosovës, njofton opinionin se Bashkim Gashi, nga Suhareka, deri më tani e ka refuzuar ftesën e Gjykatës Speciale.
Meqenëse z. Gashi ishte tek ne në zyrë, dhe ftesa i është ofruar për datën 24 shtator 2019, por nuk e ka pranuar pa sqarime shtesë, ne si OVL UÇK, i sugjeruam që ta pranoj ftesën e ardhshme dhe të mos krijoj presedan për të tjerët.
Kërkojmë nga mediat që personi në fjalë të lihet i qetë dhe për çdo informim të kontaktohet OVL e UÇK-së”, thuhet në njoftim.