Historiani Safet Hasani i cili ishte një ndër organizatorët e protesës së 1 tetorit të vitit 1997, ka kujtuar me nostalgji këtë ditë.
Hasani përmes një shkrimi në Facebook, me pak fjalë ka përshkruar se çfarë kishte ndodhur me 1 tetor, ditën e protestave studentore.
“Sot para njëzet e dy vitesh, pikërisht me 1 tetor 1997, si apsolvent që isha në Shkollën e Lartë Pedagogjike të Univesitetit të Prishtinës, në demonstratat studentore të 1 tetorit u atakuam brutalisht nga forcat e policisë dhe sigurimit serb!”, shkruan Hasani.
Ai thotë se, ishte dita kur organizuan demostrata studentore ku morën pjesë profesorë, studentë, inetelektualë, bujq, e qytetarë të thjesht që në mënyrë masive u bashkuan dhe i përkrahën në iniciativën studentore.
“Ishte pikërisht kjo ngjarje që theu barrierën e të menduarit se “me paqe dhe fjalime do çlirohet vendi”, dhe aty u vërtetua se pa kryengritje, demostrata e më vonë edhe në luftë të armatosur nuk vije liria”, vazhdon ai.
Ai tregone dhe si i strehuan studentët e lënduar dhe të torturuar nga policia serbe.
“Përkundër burgosjeve, rrahjeve e lëndimeve që pësuam ne studentët atë ditë, unë akoma me nostalgji e kujtoj atë ngjarje dhe vendin ku u strehuam ne disa nga studentët e lënduar nga rrahjet dhe turturat nga policia serbe, ishte adrese “ish-rruga Kaqaniku nr.17” afër parkut të qytetit ku edhe mbanim ligjeratat ne studentët e Shkollës së Lartë Pedagogjike”, pohon ai.
“Në orët e pasditës të asaj dite, së bashku me shumë student tjerë u arrestuam nga pjesëtarët e policisë dhe sigutimit serb, që ishin në rroba civile”, përfundon historiani Safet Hasani.