Ish-deputeti i Kuvendit të Kosovës nga radhët e Lëvizjes Vetëvendosje, Florin Krasniqi, është rikthyer në Kosovë, në kohën kur në vend po zhvillohet fushatë zgjedhore.
- Advertisement -
Krasniqi, i cili është parë në tubime të koalicionit mes Aleancës për Ardhmërinë e Kosovës dhe Partisë Socialdemokrate, ka dhënë një intervistë ekskluzive në emisionin “Pressing”, në televizionin T7.
Ai është pyetur, ndër të tjera, se pse kishte vendosur t’i hynte politikës.
“Hyra në politikë që t’i mbroja ata që frikësoheshin nga SHIK’u”, ka deklaruar Krasniqi, duke iu referuar Shërbimit Informativ të Kosovës, që udhëhiqej nga Kadri Veseli.