Haradinaj nuk i beson Kurtit: Kam frikë se do të jetë një mashtrim dhe zhgënjim

Kreu i AAK-së, Ramush Haradinaj, në një konferencë për media ka thënë se ai e pranon rezultatin dhe nuk do të kërkojë rivotim të procesit zgjedhor.

“E pranoj rezultatin si është i njoftuar nga KQZ. Nuk e kontestojmë rezultatin zgjedhor, por nëse ndonjë kandidat ka vërejtje mund të kërkon rinumërim e as rivotim. E respektojmë vendimin e sovranit”, tha Haradinaj.

Ai ka thënë se ekziston mundësia që qytetarët të zhgënjehen nga Kurti.

“Ekziston mundësia reale e një mashtrimi dhe një zhgënjimi nga fituesi”, ka deklaruar Haradinaj.