Numërohen 98.7% të votave: Koalicioni NISMA-AKR-PD po i afrohet pragut

Komisioni Qendror i Zgjedhjeve po vazhdon numërimin e votave, ku deri tani ka arritur 98.70 të votave, shkruan Gazeta Metro.

Pas numërimit të 98.70 për qind të votave, koalicioni Nisma-AKR-PD i është afruar pragut zgjedhor prej 5 për qind.

Ky koalicion tani ka 38.810 vota apo 4,92%, kështu duke lënë të mendohet se me numërimin e pjesës që kanë mbetur dhe votat nga diaspora mund të ndodhë që të kalohet pragu prej 5%.

Kujtojmë se Fisnik Hoxha, nga ‘BOSHTI’ i cili publikoi rezultatin e saktë të Exit Poll’it ka shpjeguar tek Analiza Zgjedhore se si shpjegon se sa vota i duhen NISMA-AKR-PD për kalimin e pragut zgjedhor dhe se a kanë vota nga diaspora.