Qeveria e Kosovës ka mbajtur një mbledhje online në orët e vona të së shtunës, ku ka marrë vendim për të ndryshuar dhe plotësuar vendimin për zbatimin gradual të reciprocitetit si parim në marrëdhëniet me Serbinë.
Zëvendëskryeministri në detyrë, Haki Abazi, ka thënë se nga vendimi i mbrëmshëm, në vendin tonë nuk mund hyjë asnjë maune me mallra nga Serbia, nëse në dokumentet e tyre nuk i referohen vendit tonë si “Republika e Kosovës”, transmeton.
“As reciprociteti nuk u bie tamam. Mbrëmë morëm vendimin që të avancojmë reciprocitetin me Serbinë. Deri tani maunet nga Serbia kanë mundur të hyjnë në Kosovë nëse: 1. nuk kanë pasur dokumente fyese për shtetësinë e Kosovës, dhe 2. Nëse në to është shkruar Kosova. Me vendimin e mbrëmshëm, asnjë maune nuk mund të hyjë në vendin tonë nëse në dokumentet e tyre nuk shkruan: Republika e Kosovës”, ka shkruar sot Abazi në facebok.