Kryetari i BDI-së, Ali Ahmeti deklaroi se partia e tij është fituese absolute e zgjedhjeve të parakohshme parlamentare në Maqedoninë e Veriut.
Para turmës së mbështetësve dhe mediave, ai tha se kanë marrë mbi 100 mijë vota si dhe kanë siguruar 12 deputetë në Kuvendin e ri maqedonas.
- Advertisement -
Ahmeti tha se janë në rrugë të drejtë për mandatin e 13.
“Jemi fitues absolut të zgjedhjeve. Kemi siguruar 100 mijë vota dhe 12 mandate dhe jemi për mandatin e 13.
Edhe njëherë do të doja nga zemra t’ju falënderoj dhe suksese se tashmë na presin detyra të mëdha”, deklaroi Ahmeti.
- Advertisement -
Kur janë numëruar mbi 90% të votave, BDI ka marrë rreth 12% të votave. Në nivel vendi, ata janë të tretët pas koalicionit “Mundemi” të LSDM dhe vendit të dytë VMRO-DPMNE.