Frashër Demaj është pjesë e Akademisë së Shkencave si anëtar me korrepsondencë. I ftuar në emisionin “Oxygen”, akademiku Demaj ka folur për shumë tema.
E natyrshëm, ai ka folur edhe për islamin e shqiptarët, duke thënë se ka pasur hoxhollarë me prejardhje ruse, që kanë propaganduar kundër dërgimit të shqiptarëve në shkollat shqipe.
“Shumica e popullsisë shqiptare në Kosovë ka qenë e besimit islam dhe kjo është e natyrshme, por që ka pasur hoxhë edhe që janë pagu, po edhe rus, absolutisht po. Edhe rusë, ka fol shqip, edhe i kanë trajnu këta, kanë pasur shkolla speciale. Këta kanë çu edhe priftërinj ortodoks në Bullgari, për mi bindë bullgarët që shpëtim i tyre do të jetë nëse ata janë pjesë e Serbisë. Pra është strategji serbe.” – theksoi ai.
“Këtu ka çu hoxhollarë me i bindë që mos i çoni fëmijët në shkollë, mani vetëm nëpër xhamia, edhe shqiptari nuk bën me shku në shkollë se bëhet shk* dhe s’ka kush me i rujtë gjanë nëpër livadhe” – vazhdoi ai, duke përdorur edhe një term që nxit urrejtje ndaj serbëve.
Z. Demaj, ndonëse është pjesë e institucionit më të lartë shkencor, e citoi historinë orale si faktues të hipotezave të tij për hoxhollarët rus.
“Ky është fakt, është oral history, që i bie është tregim që e kanë përcjellë shqiptarët brez pas brezi” – tha ai.