Ish-banorja e “Big Brother” dhe modelja Françeska Jaçe është aksidentuar tek rreth rrotullimi i Nartës në Vlorë.
Si pasojë e shpejtësisë tej normave të lejuara, makina e saj luksoze doli nga rruga duke u përmbysur.
Sipas informacioneve, drejtuesja e mjetit Françeska Jaçe ka marrë disa dëmtime të lehta, pa pasoja të rënda për jetën. Ajo është transportuar për në spital për të marrë ndihmën e nevojshme mjekësore.
Policia po vijon hetimet në lidhje me shkaqet e aksidentit. Fax Web ka sjellë edhe video nga vendi i aksidentit ku ndodhet edhe makina e Françeska Jaçes.
Njoftimi i policisë:
Vlorë/Informacion paraprak
Rreth orës 12:40, në vendin e quajtur “Rrethrrotullimi i Nartës”, një automjet i markës “BMW” me drejtuese shtetasen F. J., 27 vjeçe, banuese në Vlorë, ka dalë nga rruga, duke shkaktuar vetëm dëme materiale.
Në vendngjarje ndodhet grupi hetimor, i cili po punon për zbardhjen e rrethanave të ngjarjes.