Nënkryetari i AAK-së Ardian Gjini ka reaguar pas deklarimeve të deputetit të LDK-së Driton Selmanaj, i cili e ka quajtur këtë parti si ‘grup kriminal’.
- Advertisement -
Në emisionin Debat Plus të TV Dukagjini, Ardian Gjini ka thënë se me deklarime të tilla deputeti Selmanaj ka kaluar në absurditet.
“Duke quajtur një parti kriminale, ka kaluar në absurditet. AAK nuk ka qenë grup kriminal as për LDK-në dhe as PDK-në. Nuk kemi vjedh. Nuk mund dikush ta quajë një parti kriminale. Ky është një gabim. Ata e dinë se AAK ka qeverisur me tetë komuna dhe në bashkëqeverisje në shumë komuna dhe ka qenë dy herë në Qeveri. Këto janë kualifikime të skajshme”, ka thënë ai.