Kandidati për kryeminister Albin Kurti shumë shpejt do ta ketë përballjen më njeriun të cilit aq shumë herë i kërkoj llogari për të keqijat që ndodhin në vend e sidomos korrupsionin.
Presidenti aktual i Republikës se Kosovës Hashim Thaçi do të duhet ta pres në zyren e tij Kurtin për ta shënuar kështu përballjen më të merzitshme apo më të sikletshme që ndonjeherë dy akterët kanë mundur të kenë në jeten e tyre.
Kurti i cili gjithë kauzen e tij politike e ka filluar dhe vazhdon ta mbaj më kritikat e ashpëra kundër krimit e korrupsionit e sidomos kundër Presidentit Thaçi tash realisht do të kërkoj “bekimin” e Thaçit për të shkuar në Kuvend si kryeministër i Republikës së Kosovës.
Presidenti i Republikës se Kosovës Hashim Thaçi edhe përkundër mos deshirës se tij që mund ta ketë për mandatimin e Albin Kurtit si kryeministër të Kosovës ai asesi nuk mund ti anashkaloj obligimet e veta kushtetuese.
Juristi dhe analisti politik, Blerim Burjani, në një bisedë për “Bota Sot” ka thenë Presidenti i vendit e ka për obligim të veproj bazuar në nenin 95.5.
“Janë afatet që ai duhet të veproj, pra menjehere pas certifikimit të zgjedhjeve edhe pse nuk ka afat kushtetuese ai e fiton të drejtën kushtetuese të veproj.
Pas zgjedhjeve, Presidenti i Republikës së Kosovës i propozon Kuvendit kandidatin për Kryeministër,në konsultim me partinë politike ose koalicionin që ka fituar shumicën e nevojshme në Kuvend për të formuar Qeverinë.
Kandidati për Kryeministër, jo më vonë se pesëmbëdhjetë(15) ditë pas emërimit, paraqet përbërjen e Qeverisë para Kuvendit të Kosovës dhe kërkon miratimin nga ana e Kuvendit” ka thenë Burjani. Sipas tij Presidenti Hashim Thaçi nuk mund të anashkaloj obligimet e veta kushtetuese.
“Kjo është e qartë ai mund të zvarrit procesin por jo më shumë se afatet normale kushtetuese për themlimin e institucionëve nuk mund të ndodhë të shkaktojë ngërq presidenti dhe atë në mënyrë direkte” ka shpjeguar juristi dhe analisti politik Blerim Burjani.