Kryetari i Lëvizjes Vetëvendosje, Albin Kurti, ka folur për herë të parë publikisht pas arrestimit dhe paraqitjes në Gjykatën Speciale të ish-drejtuesve të Shtabit të Përgjithshëm të UÇK-së: Hashim Thaçit, Kadri Veselit, Rexhep Selimit e Jakup Krasniqit.
- Advertisement -
Në një konferencë për media Kurti tha se Lëvizja Vetëvendosje ka folur gjerë e gjatë në 7 vitet e fundit për Gjykatën Speciale dhe se nuk ka nevojë ta përsërisin.
“Jemi duke paguar çmimin e gabimeve politike”, ka thënë Kurti, duke përmendur votimin me 82 vota të Gjykatës Speciale në Kuvendin e Kosovës.
Kreu i LVV-së Gjykatën Speciale e ka quajtur të padrejtë dhe të njëanshme.
- Advertisement -
Kurti tha shteti i Kosovës duhet të organizojë mbrojtjen e të akuzuarve në Gjykatën Speciale.