Lideri i Lëvizjes Vetëvendosje, Albin Kurti ka paralajmëruar se në qeverisjen e tij do të konfiskohet pasuria e atyre, që sipas tij kanë vjedhur.
“Një ndër projektligjet e para që do të sjellim në Kuvend të jetë që mërgatat të votojë në Konsullata dhe Ambasada dhe ai për konfiskimin e pasurive të pajustifikueshme, se me vjedhë nuk bën.
Jo që nuk bën me vjedhë.
Ata që kanë vjedhë duhet me ua konfisku pasurinë e pajustifikueshme”, ka thënë ai në RTV Dukagjini në një debat ku shpalosi planin e tij qeverisës.
Sipas Kurtit kjo vjedhje është bërë para syve të Bashkësisë Ndërkombëtare.
“Kjo është pasuri e krijuar para syve dhe hundëve të Bashkësisë ndërkombëtarë, kishim QIUNT, UNMIK, EULEX. Këta u pasuruan iIegaIisht, brutaIisht, para syve të tyre dhe neve do të na duhet tash të merremi me këtë problem kaq të madh.
Do të kishte qenë mirë që faktorët ndërkombëtar të na ndihmojnë”, ka thënë ai.