Ligji për konfiskimin e pasurisë të pajustifikueshme nuk po le pa u komentuar as nga ambasadori amerikan në Kosovë, Philip Kosnett.
Ai tha se ka ardhur koha për vepra dhe mjaftë më më fjalë.
“Por, mendoj se qeveria Kurti është e etur për t’ia nisur punës dhe për të përmbushur premtimet e saj ndaj popullit të Kosovës. Mendoj se kohëve të fundit e kemi parë dhe zgjedhjet e shkurtit e përkujtuan atë se njerëzit në Kosovë janë të etur për ndryshim”.
“Duan të shohin veprim të njëmendtë kundër korrpsionit. Duan të shohin përparim ekonomik që vërtetë do të ndihmojë jetën e qytetarëve të rëndomtë. Dhe mendoj se është e rëndësishme që të dihet – dhe kam folur për këtë edhe më parë – se nuk është përgjegjësi vetëm e qeverisë për ta çuar vendin përpara”.
“Edhe partitë opozitare luajnë rol të rëndësishëm në zhvillimin e politikave në bashkëveprim me qeverinë. Sektori privat është jetik për zhvillimin ekonomik të këtij vendi. Zërat e shoqërisë civile kanë rëndësi. Pra, mendoj se kjo është kohë shumë emocionuese për Kosovën dhe është me rëndësi që çdo institut dhe çdo individ në vend të luajnë rolin e tyre”.
Kosnett gjithashtu tha për këto ndryshime edhe qytetarët e Kosovës kanë votuar, andaj presin rezultate konkrete.