Ambasadori i Gjermanisë në Kosovë, Jorn Rohde, ka zhvilluar një takim me Ushtruesen e detyrës së Presidentit të Kosovës, Vjosa Osmani, pas mbajtjeve të zgjedhjeve të 14 shkurtit.
Rohde ka thënë se ka uruar Vjosa Osmanin për zgjedhjet e suksesshme që janë mbajtur me 14 shkurt në Kosovë, ku votuesit dhanë një mandat të fortë për ndryshim.
Ai tha se me Osmanin ka folur për zgjedhjen e qeverisë së re dhe atë të presidentit.
“Urova Vjosa Osmanin për zgjedhjet e suksesshme. Votuesit dhanë një mandat të fortë për ndryshim.
Ne diskutuam formimin e qeverisë, zgjedhjen e presidentit dhe prioritetet, përfshirë sundimin e ligjit, luftimin e korrupsionit, dialogun e lehtësuar nga BE.
Ne të dy nënvizuam partneritetin ndërmjet Gjermanisë dhe Kosovës”, shkroi Rohde në Twitter pas takimit me Osmanin.
Congratulated @VjosaOsmaniMP on successful elections. Voters gave a strong mandate for change. We discussed formation of govt, presidential election and priorities, incl rule of law, tackling corruption, EU-facilitated dialogue. We both underlined 🇩🇪🇽🇰partnership
— Ambassador Jörn Rohde (@GermanAmbKOS) February 19, 2021