Sekretari amerikan i Shtetit, Anthony Blinken propozoi që Kroacia të hyjë në programin e regjimit pa viza me Shtetet e Bashkuara.
Siç shpjegoi ai në një mesazh në Twitter, udhëtimi pa viza për qytetarët kroatë, u bë pas “përparimit të madh të kroatëve për të përmbushur standardet strikte për vendet pjesëmarrëse në program”.
Today I nominated Croatia to join the Visa Waiver Program. This step towards visa-free travel recognizes Croatia’s tremendous progress to meet the rigorous standards for participant countries. We look forward to an even stronger U.S.-Croatia relationship.
— Secretary Antony Blinken (@SecBlinken) August 2, 2021
“Sot, unë nominova Kroacinë që t’i bashkohet Programit të Heqjes së Vizave. Ky është hap drejt një regjimi pa viza dhe është shenjë e përparimit të jashtëzakonshëm të Kroacisë në përmbushjen e standardeve strikte për vendet pjesëmarrëse”, shkroi Blinken në Twitter.
Blinken shtoi se mezi po priste marrëdhënie edhe më të forta mes Shteteve të Bashkuara dhe Kroacisë, transmeton Telegrafi.
Today I nominated Croatia to join the Visa Waiver Program. This step towards visa-free travel recognizes Croatia’s tremendous progress to meet the rigorous standards for participant countries. We look forward to an even stronger U.S.-Croatia relationship.
— Secretary Antony Blinken (@SecBlinken) August 2, 2021
Duke reaguar ndaj njoftimit të Blinkenit, kryeministri kroat, Andrej Plenkoviq tha se qytetarët kroatë të cilët do të jenë në gjendje të udhëtojnë në Shtetet e Bashkuara pa pengesa do të përfitojnë më shumë nga heqja e vizave.
“Ne konfirmojmë partneritetin midis Kroacisë dhe Shteteve të Bashkuara dhe presim zhvillimin e mëtejshëm të bashkëpunimit ekonomik dhe lidhjeve të biznesit”, shkroi Plenkoviq në Twitter.
Kujtojmë, vizat për Shtetet e Bashkuara duhet të hiqen jo më vonë se 30 shtator – fundi i vitit fiskal amerikan.
Ndryshe, Kroacia bëhet shteti i 39-të qytetarët e të cilëve nuk kanë nevojë për vizë që të hyjnë në SHBA