Ditë më parë Lëvizja Vetëvendosje i bëri një ofertë ‘përfundimtare’ Lidhjes Demokratike të Kosovës.
Në të përfshihej oferta që nga 12 ministri të kalohet në 14 ministri, gjashtë për LDK-në dhe pesë të tjera për Vetëvendosjen.
Kurse është pikërisht LDK-ja që sot bëri publike ofertën që i dorëzoi së fundi LVV-së.
Në të ndër të tjerash parashihej që LDK-ja të ketë Kryetarin e Kuvendit deri në zgjedhjen e Presidentit, pastaj posti i të parit të Parlamentit sërish t’i kalojë VV-së.
Por duhet theksuar se Lëvizja Vetëvendosje javë më parë zgjodhi Glauk Konjucën në krye të Kuvendit të Kosovës, madje ai u votua edhe nga vetë deputetët e LDK-së.
Analisti politik, Ilir Ibrahimi ka thënë se Konjufca e ka dëshmuar se është i gatshëm të bëjë sakrifica për një të mirë të përgjithshme dhe nëse kërkoi nga ai, nuk dyshon se do të jetë i gatshëm për çdo sakrificë personale, qoftë edhe dorëheqje nga posti i kryetarit, shkruan Indeksonline.
Sipas tij, mbetet të shihet nëse edhe të tjerët janë të gatshëm në VV për një sakrificë të Glaukut.
Postimi i plotë:
Për mua Glauk Konjufca është përsoni që gëzon respektin më të lartë në LVV.
Ai e ka dëshmuar se është i gatshëm të bëj saktifica për një të mirë të përgjithshme (qëndrimet e tij gjatë krizës me Shpendi &co, është shembulli më i mirë).
Nëse kërkohet nga ai, nuk dyshoj që do të jetë i gatshëm për çdo sacrifice personale, qoftë edhe dorëheqja nga posti i kryetarit.
Mbesim të shohim a janë të gatshëm edhe të tjerët në LVV për një sakrificë të Glaukut.