Kryediplomati grek, Nikos Dendias, iu është kundërpërgjigjur Turqisë mbi pretendimet e saj për ishujt grekë në detin Egje.
Dendios në një konferencë për media ka thënë se është e çuditshme se si Turqia që është anëtare e NATO-s në kohët kritike si kjo në tensionet me Rusinë, ka provokuar Greqinë një tjetër anëtare të NATO-s.
“Në këtë kohë kritike, në një kohë kur solidariteti duhet të tregohet në çdo formë, është mëse e çuditshme që Turqia, anëtare dhe aleate e NATO-s, vendosi të ndërmarrë një sërë veprimesh provokuese dhe të paligjshme kundër një shteti tjetër anëtar, Greqisë”, ka thënë Dendias.
During this critical time, at a time when the solidarity should be demonstrated in every form, it is rather peculiar that Turkey, a NATO member and Ally, decided to launch a series of provocative and illegal actions against another member state, Greece. pic.twitter.com/DqOm7Lpxgd
— Nikos Dendias (@NikosDendias) February 15, 2022
Bashkimi Evropian ka reaguar ndaj deklaratave të ministrit të Jashtëm të Turqisë, Mevlut Cavusoglu në një nga intervistat e fundit. Zëdhënësi i BE-së, Peter Stano tha se deklaratat e Cavusoglut lidhur me sovranitetin mbi disa ishuj të Greqisë janë kundërproduktive.
“Sovraniteti i Greqisë mbi këta ishuj është i padiskutueshëm. Turqia duhet ta respektojë, të përmbahet nga provokimet”, ka shkruar Stano në Tëitter, duke publikuar një deklaratë zyrtare të BE-së për këtë çështje.
“Komentet e Ministrit të Jashtëm turk Mevlut Cavusoglu në një intervistë të fundit, duke kundërshtuar sovranitetin e Greqisë mbi disa nga ishujt e saj, janë kundërproduktive dhe kundërshtojnë përpjekjet për de-përshkallëzim në Mesdheun Lindor të kërkuara në Konkluzionet e Këshillit Evropian nga 23 marsi dhe 24-25 qershori 2021”, thuhet në reagimin e BE-së.