Shefi i Grupit Parlamentar, Arben Gashi, derisa ka kritikuar kryeministrin Kurti se po e rrezikon partneritetin me SHBA-në, ka pasë një përplasje me ministren e Drejtësisë, Albulena Haxhiu, të cilës i tha të “mos bënte zhurmë”.
“Albulena, mos bëjë zhurmë prapa, jam duke mbajtur diskutim. Albulena, mundem me ta ndal zhurmën fjalën. Kryetar, krijoji kushtet të mbahet seanca”, tha Gashi.
Ai tha se kryesuesja e Kuvendit është dashur që ta nxjerrë jashtë ministren, raporton Gazeta Express.
“E kuptoj frustrimin e qeverisë, por s’e kuptoj gjuhën e ministres dhe fjalët që i përdor nga prapa. Kryesuesja duhet ta largonte nga seanca, por s’po e bën në rregull është”.
Gashi tha se “sado që bëni zhurmë pak do të jetë përballë argumentit”, derisa shtoi se nga Kuvendi sot i drejtohen kryeministrit dhe qytetarëve që LDK qëndron fuqishëm në mbrojtje të tërësisë territoriale.
Shefi i GP të LDK-së tha se Qeveria Kurti e kishte rrezikuar partneritetin me SHBA-në edhe kur ishte në koalicion, por se atëherë “kishin marrë veprimet”.
Gashi përmendi edhe fjalimin e shefes së Grupit Parlamentar të Vetëvendosjes, Mimoza Kusari, e cila iu drejtua edhe në serbisht qytetarëve serbë.
“Ne e dëgjuam shefen e GP të VV që foli serbisht, që ndoshta e ka menduar edhe serbisht, por veprimet dhe pasojat janë të gabuara për institucionet e Kosovës”.