Armend Muja ka dhënë një verdikt personal duke arsyetuar votat e Listës Serbe pro rritjes së pagës minimale, projektligj që përjashton rritjen e pagës minimale për veteranët.
Muja ka thënë se kjo ishte lojë e opozitës.
- Advertisement -
“Paga Minimale: 74 deputetë kanë marrë pjesë në votim për pagën minimale, 68 vota ishin PËR. VV paraprakisht kishte siguruar kuorumin dhe votat për kalim të ligjit. Kur opozita e kanë parë që e kemi kuorumin edhe pa Listën Serbe, ata kanë qëndruar në sallë, pikërisht që t’ia japin një këso spin-i se kinse Lista Serbe ishte vendimtare. Gënjeshtër e qartë, dhe sigurisht plan i ligë, që dështoi. Edhe pa votat e Listës Serbe do të kalonte. Urime kalimin në lexim të parë të pagës së re minimale 264 euro që paraqet rritje për 55% përkatësisht 103%” shkruan Muja në Facebook.