FFK ka njoftuar se portieri i Kombëtares së Kosovës, Arijanet Muric është përjashtuar nga kampi i ekipit kombëtar.
Kjo është bërë e ditur përmes një komunikate të lëshuar nga FFK.
- Advertisement -
“Me vendim të Federatës së Futbollit të Kosovës, futbollisti Arijanet Muric largohet nga kampi i ekipit kombëtar për arsye disiplinore” – thuhej në njoftim.
Kjo nuk është hera e parë që Muric nuk tregohet i disiplinuar.
Vitin e kaluar në grumbullimin e Kosovës në ndeshjet e tetorit ishin publikuar foto, ku Muric shihej në foto me një vajzë në hotelin ku qëndronte Kosova, derisa kishin festuar edhe me disa pije, në kohën kur koronavirusi ishte prezent.
- Advertisement -
Kosova kështu humb portierin e parë në këto ndeshje, teksa në dispozicion i ka edhe tre të tjerë.
Samir Ujkani, Visar Bekaj dhe Betim Halimi janë portierët tjerë të Kosovës.