Isa Mustafa sot gjatë fushatës në Podujevë tha se ata që janë larguar nga LDK-ja dhe kanë thyer qafën te VV-ja nuk mund të marrin as kulturën e as flamurin e presidentit historik, Ibrahim Rugova.
Kësaj deklarate i është kundërpërgjigjur kandidati për deputet nga lista e VV-së, Haxhi Avdyli.
Ai në një prononcim u shpreh se postimi i tij ka të bëjë pikërisht për atë që deklaroi sot Isa Mustafa gjatë fushatës në Podujevë.
Avdyli tha se pas 14 shkurtit, keqpërdoruesit e pushtetit e vullnetit të qytetarëve do ikin në pensionin e tyre politik.
Po ashtu, sipas Avdylit, në këto zgjedhje qytetari zgjedh Qeverinë dhe Presidenten, e jo tavolinat e pazareve.
“Romajë e Krajk i Hasit: Ndryshimi ka emër. Binomi Albin Vjosë, do ndërroj thellësisht politikbërjen në Kosovë. Kurse pas 14 shkurtit shumë keqpërdorues të pushtetit e vullnetit të qytetatëve, do ikin në pensionin e tyre politik. Me 14 shkurt qytetari zgjedh Qeverinë dhe Presidenten, e jo tavolinat e pazareve“.