Gjykata Kushtetuese ka aprovuar kërkesën e Lëvizjes “Vetëvendosje” për pezullimin e dekretit të presidentit të vendit, Hashim Thaçi, për kryeministrin e ri, Avdullah Hoti.
Kjo u bë e ditur nga avokati, Arianit Koci, i cili ka kërkuar që kjo të mos merret si presion, transmeton Reporteri.net.
- Advertisement -
“U pezullu!. S’kishte rrugë tjetër. Kosova s’po mundet me nje Qeveri e lere më me dy. Gjykata Kushtetuese po e ndërton narracionin se Kosova është shtet normal me politikane adoleshenta. Mos u ngutni priteni njoftimin me shkrim. Le te mos kuptohet ky status si presion mbi asnjërën pale”, ka shkruar ai.
Ndërkohë, mediat po raportojnë se Kushtetuesja do ta bëjë publik qëndrimin pasditen e sotme.
Kështu, seanca nuk do të mund të thirret derisa Kushtetuesja të sjell vendim pas ankesës së Lëvizjes Vetëvendosje.