Kancelari gjerman Olaf Scholz, presidenti francez Emmanuel Macron dhe presidenti amerikan Joe Biden kanë rënë dakord që dekretet e presidentit rus Vladimir Putin që i njohin dy rajonet separatiste pro-Moskës në Ukrainë si të pavarura “nuk do të mbeten pa përgjigje”, tha zëdhënësi i Scholz.
Në një deklaratë të hënën, zëdhënësi i Scholz tha se Scholz foli me Biden dhe Macron të hënën në mbrëmje për “situatën e përkeqësuar” pasi Putin i njohu zyrtarisht dy të ashtuquajturat Republika Popullore të Donetsk dhe Luhansk të hënën, raporton CNN.
“Të tri palët ranë dakord se kjo lëvizje e njëanshme e Rusisë është një shkelje e qartë e Marrëveshjes së Minskut. Gjermania, Franca dhe SHBA-ja dënuan ashpër vendimin e presidentit rus. Kjo lëvizje nuk do të mbetet pa përgjigje”, tha zëdhënësi.
Cette nuit, en direction de Donetsk, des dizaines de chars russes, pièces d’artillerie tractées par des camions et véhicules militaires. Exclu #Le Figaro. #DNR pic.twitter.com/F5rV0ByvD1
— Alain Barluet (@abarluet) February 21, 2022
Scholz, Biden dhe Macron shprehën solidaritetin e tyre me Ukrainën dhe përgëzuan reagimin e kujdesshëm të Ukrainës aktualisht, të udhëhequr nga presidenti Volodymyr Zelensky.
“Partnerët ranë dakord të mos heqin dorë nga angazhimi i tyre ndaj integritetit territorial dhe sovranitetit të Ukrainës. Në të njëjtën kohë, do të bëhet çdo përpjekje për ta parandaluar përshkallëzimin e mëtejshëm të situatës”, përfundoi zëdhënësi.
Këshilli i Sigurimit të OKB mblidhet në orën 02:00 – diskutohet për Ukrainën
Zhvillimet e fundit në Ukrainë, Macron mbledh urgjentisht sigurinë kombëtare