Bashkimi Europian ka dënuar “në termat më të ashpër të mundshëm” mizoritë e raportuara në Bucha të Ukrainës dhe po përgatit sanksione të mëtejshme kundër Rusisë “si një çështje urgjente”.
Josep Borrell, shefi i politikës së jashtme të BE-së, lëshoi një deklaratë në emër të bllokut, shkruan Sky News.
Imazhet bezdisëse të një numri të madh të vdekjeve dhe VlKTlMAVE civile, si dhe shkatërrimi i infrastrukturës civile tregojnë fytyrën e vërtetë të Iuftës brutale të agresionit që Rusia po zhvillon kundër Ukrainës dhe popullit të saj… Masakrat në qytetin Bucha dhe qytete të tjera të Ukrainës do të përfshihen në listën e mizorive të kryera në tokën europiane”.
Ai tha se autoritetet ruse janë përgjegjëse për këto mizori.
Ministrja gjermane e Mbrojtjes tha se BE duhet ta diskutojë ndalimin e importit të gazit rus, pasi forcat e Moskës u akuzuan për kryerjen e mizorive pranë Kyivit.
“Duhet të ketë një përgjigje. KRlME të tilla nuk duhet të mbeten pa përgjigje”, tha Christine Lambrecht në një intervistë.
Komentet shënojnë një ndryshim të rëndësishëm në përgjigjen e Gjermanisë ndaj thirrjeve për ndalimin e importeve ruse të energjisë, pasi kishte thënë më parë se sanksione të tilla do të ishin shumë të dëmshme për ekonominë e saj.
Rusia furnizon 40% të nevojave të gazit të Europës.
Kancelari gjerman Olaf Scholz tha mbrëmë se aleatët perëndimorë do të bien dakord për sanksione të mëtejshme kundër Rusisë.